Adrijan Vuksanović: Da policija utvrdi motiv incidenta

Poslanik HGI  Adrijan Vuksanović, na koga se sinoć u Donjoj Lastvi zaletio automobil velikom brzinom, u izjavi za naš radio kaže da očekuje da policija utvrdi motiv incidenta.

    “Očekujem da policija utvrdi da li je motiv moj politički angažman ili su to uradile osobe smanjene odgovornosti. Slučaj sam prijavio policiji ne samo zbog mene, već kako bih zaštititio i druge građane, da se i njima nešto slično ne dogodi” – kaže Vuksanović.

Incident se dogodio sinoć prije ponoći na šetalištu u Donjoj Lastvi. Vuksanović je u prvi mah pomislio da je riječ o šali, ali kad je vidio da automobil ide na njega velikom brzinom, pribrano je reagovao i odskočio.

 “Doduše i automobil je malo promijenio pravac i malo smanjio brzinu. Ne želim ništa da prejudiciram. Očekujem rezultate istrage. Uspio sam da zapišem tablice automobila” – rekao nam je Adrijan Vuksanović.