Veterani vazda Dolfi prima nagradu

Dolfi Vučinović: Veterani Vazda mladi su uspješna klapa

Lijep koncert održala je tivatska klapa “Veterani Vazda mladi”. Gosti koncerta bili su Neda Ukrade i klapa “Jadran” iz Tivta. Rukovodilac klape Veterani Vazda mladi” Dolfi Vučinović kaže da klapa mnogo nastupa, ali uvijek sa radošću i zadovoljstvom.

   

 “Ovo je druga godina kad Veterani vazda mladi nastupaju na Purgatorijama. Ovo je uspješna klapa koja mnogo nastupa. Sa mnogo radosti nastupamo na humanitarnim priredbama. Prošle godine smo imali 24 nastupa.
Večeras smo koncert posvetili bivšim radnicima Arsenala. Prevladale su emocije jer je Arsenal hranio pola Boke. Mi sa poštovanjem gledamo na Porto Montenegro ali nastojimo da se ne zaboravi Arsenal koji je iznjedrio dosta dobrih zanatlija i inžinjera.

Ove godine smo imali uspješan nastup na Peraškom festivalu. Dobili smo i specijalnu plaketu. Ali, u suštini sam nastup je na festilalu klapa u Perastu je najveća nagrada.
Sada ćemo se malo odmoriti. Stariji smo ljudi a bilo je dosta nastupa. Koristim priliku da se zahvalim opštini Tivat i brojnim sponzorima koji nam svesrdno pomažu. Posebno hvala Radio Tivtu koji nas medijski prati” – kaže Vućinović.