Dr Štilet: “Sunce treba koristiti, od sunca se treba i štititi”

Tijelo se treba izlagati suncu ali u ranim jutarnjim i popodnevnim satima. Sunce će tada milovati vašu kožu i imaćete dobre, najbolje efekte“, poručio je dermatovenerolog dr Predrag Štilet prilikom gostovanja u „Radio suncobranu“.
Koža izložena suncu sve pamti , stručnjaci kažu, dugo. Nauka je objasnila da sve što se desi na našoj koži do 17-te godine, koža je zapamtila zauvijek. Svi koji su do tog doba dobili dva do tri puta opekotine spadaju u vrlo visoku rizičnu grupu kojoj prijeti neki oblik malignog oboljenja kože. Stoga je potrebna preventiva a sa njom je treba početi od vrtića. Ali ne za djecu, nego za roditelje kaže dr. Štilet:

Mi smo kao Udruženje dermatologa pokrenuli tu akciju. Išli smo u vrtiće i roditeljima držali edukaciju kako da se ponašaju. Moja ideja je bila da iza toga stanu Ministarstvi zdravlja i Ministarstvo prosvjete i da mi, apsolutno bez ikakve nadoknade roditeljima djeci u vrtićima i osnovnim školama pričamo o štetnom dejstvu sunčanih zraka. Na žalosd ta ideja je propala jer nismo dobili podršku resornih ministarstava. Za iduću godinu pripremamo veliki projekat i poslije njega ćemo se uključiti u veliku kampanju Euromelanoma“, rekao je dr Štilet.
Kampanja podrazumijeva obilazak plaža i djeljenje prigodnog materijala, te animaciju medija za učešće stručnjaka koji će ukazivati na pogrešan način korištenja sunčevih zraka.

Sunce se mora koristiti, od sunca se mora štititi“,  poručio je dr Štilet.