Izložba “Atomska bomba-Hirošima i Nagasaki”

Izložbe “Atomska bomba-Hirošima i Nagasaki” naziv je izložbe koja će sutra u 19 sati biti otvorena u galeriji kotorskog Kulturnog centra „Nikola Đurković”  a predhodiće joj performans Butoh ples Montenegro, umjetnice Bojane Popadić.

Butoh ili Ples tame je ples koji je nastao kao alternativni pokret u Japanu nakon Drugog svjetskog rata, na čiji su izraz uticale posljedice Hirošime i Nagasakija na život u Japanu. Izložbi u Starom gradu će prisustvovati Kenji Shiga, direktor Memorijalnog muzeja u Hirošimi i svjedok ove tragedije Yammamoto, a otvoriće je Branko Nedović, potpredsjednik Opštine Kotor . Sutra prijepodne u amfiteatru Gimnazije i Srednje pomorske škole , Yammamoto će govoriti o svom iskustvu i sudbini koja ga je zadesila prilikom bombardovanja Hirošime i Nagasakija.