Izložba „Štorija o klapama“ u galeriji Buća

Otvaranje izložbe „Štorija o klapama“ biće priređeno večeras u 19 sati u Muzeju i galeriji Tivat. Ova postavka je drugi segment izložbe nematerijalne kulturne baštine koja je organizovana povodom TIVAT WORLD MUSIC FESTIVALA.

U Tivtu klapa je osnovana 1972. godine od pjevača tivatskog Arsenala, po uzoru na klapu pitomaca školskog broda ,,Bileća“, koji se tada nalazio u Tivtu. Prvi članovi, a ujedno i osnivači bili su. Nikica Počanić-prvi tenor; Đuro Tripović-drugi tenor, Ivo Buljanović-bariton, Đuro Odžić-bas i vodnik-Vinko Senader. Klapa je pjevala dalmatinske pjesme, pjesme iz Boke. Do 1981. godine klapa je samotalno nastupala, a od tog perioda sa njom počinje raditi profesor Ilija Milošević. Značajni nastupi klape su u Zagrebu, Beogradu, Bosni i Hercegovini, kao i u Crnoj Gori, gdje postiže značajne rezultate. U klapi su nastupali mnogobrojni članovi, koji su dali ogroman doprinos očuvanju klapskog pjevanja. Povodom četrdeset godina postojanja, klapa je 2012. godine priredila veliki koncert na kojem su učestvovale klape iz okruženja.

Nakon otvaranja, nastupiće klapa Jadran.