Martin Petrov: U Tivtu želimo prikazati dobru košarku

Košarkaši Krke sa dosta optimizma dolaze na gostovanje u Tivat na meč sa Teodom u srijedu u 18 sati.

U izjavi za zvaničan sajt ABA lige trener Simon Petrov  očekuje da će njegovi košarkaši u Tivtu pružiti dobru partiju.

 “Iza nas su dva bolna poraza, a utakmice smo izgubili u posljednjim sekundama. Ne smijemo klonuti. Gostovanje u Tivtu je novo iskušenje za nas. Teodo je jedna od najiskusnijih ekipa u Ligi. Posebno dobro igraju u svojoj dvorani gdje nisu izgubili meč. Svejedno u Tivat ne dolazimo sa bijelom zastavom, već želimo prikazati dobru košarku” – rekao je Petrov.

Ovo je prvo gostovanje Krke u Tivtu. Što se tiče crnogorskih klubova ranije su igrali sa ekipama Budućnosti, Mornara, Lovćena i Sutjeske.