Odličan nastup mladih igrača Teoda

Košarkaši Teoda su sinoć deklasirali ekipu Ohrida savladavši je čak sa 35 koševa razlike – 92:57 u zaostalom meču Druge ABA lige.

Cijela ekipa je odigrala izvanredno, a posebno raduje dobra i požrtvovana igra mladih igrača Vušovića, Bakić i kaluđerovića. To su istakli i treneri dva kluba – Rajko Krivokapić i Petar Čočoroski.

Rajko Krivokapić, trener Teoda:

„Čestitke mojim momcima koji su u meč ušli maksimalno motivisani. Mi smo se veoma ozbiljno pripremali za ovu utakmicu. Kao da igramo sa Primorskom ili Borcem. Puno poštovanje za protivnika. Bili smo dobri u odbrani i efikasni u napadu. A igrali smo sa skraćenom rotacijom. Veoma sam zadovoljan pristupom.“

Mihajlo Sekulović, igrač Teoda:

„Odigrali smo veoma angažovano, borbeno i disciplinovano. Raduje dobra i odgovorna igra mladih igrača. To je za njih važna škola. Očekivali smo pobjedu ali ne sa ovolikom razlikom. Veoma smo zadovoljni i igrom i rezultatom. Zahvaljujem gostima na fer i korektnoj igri.“

Petar Čočoroski, trener AV Ohrida

„Čestitam Teodu na visokonj pobjedi. Mi smo umorni, jer smo prije dva dana igrali sa Bosnom u Sarajevu. Nemamo roster za ovoliko utakmica. Ovo nam je peti meč u deset dana. Teodo je odgigrao veoma angažovano, posebno mlađi igrači. Ja sam dao šansu i mlađim igračima, da odmorim one iskusnije.“

Branko Janeski, igrač AV Ohrida:

„Zaslužena ubjedljiva pobjeda domaćina. Čestitke. Mi smo dosta umorni. Nismo imali svježine. A Teodo je bio motivisan. Ništa. Idemo dalje. Igraćemo pošteno do kraja.“