Oštećeni avion premješten na dio piste gdje neće smetati

Avion Piaggio P -180 Avanti, koji je početkom juna oštećen u nevremenu na tivatskom aerodormu, danas je pomjeren na dio piste gdje neće smetati i otežavati parkiranje aviona generalne avijacije, kazao je Radio Tivtu, direktor Aerodroma Tivat, Radovan Marić.

On je naveo da će se u narednom periodu sprovesti postupak i izvršiti detaljna analiza da li će se avion popraviti ili će biti otpisan.

U nevremenu u kome je tada dio grada zahvatila pijavica na aerodormu je oštetila dvije manje letjelice. Drugu, koja pripada estonskoj čarter kompaniji Panaviatic, snažna pijavica zarotirala je za 180 stepeni, ali je manje oštećena od aviona Piaggio P-180 Avanti koji pripada američkoj kompaniji “Bank of Utah za koji je ocjenjeno da je njegova popravka ekonomski neisplativa.

FOTO: CdM