Teodo ubjedljiv protiv Ohrida

Ozbiljnom i odgovornom igrom košarkaši Teoda savladali su Ohrid čak sa 92-57 u zaostalom meču Druge ABA lige.

Iako su bili favoriti Tivcani se nisu opustili. Naprotiv, pruzili su izvanrednu partiju i zabilježili najubjedljiviju pobjedu u ovoj sezoni ABA 2 lige.

Posebno dobro igrao je mladi Vušović koji je sa 19 poena bio i najefikasniji u redovima Teoda. Poen više dao je Amerikanac Ros, najefikasniji igrač meča. Treba istaći i 14 asistencija i 9 skokova mladog Bakića. Dvocifren učinak kod domaćina imali su Hadžibegović sa 15, Sekulović sa 14, Popović sa 13 i Savić sa 10 koševa.

Bila je ovo osma pobjeda Tivćana u Drugoj ABA ligi sa kojom su skočili na deveto mjesto na tabeli. Ohrid je zakovan na začelju samo sa jednom pobjedom.

Teodo već u subotu u Tivtu dočekuje Lovćen u okviru Erste lige.