Vjetar požar skrenuo ka Grabovcu

Veliki šumski požar koji je jutros planuo između Grabovca i ugrozio naselje Bigova, sjeverni vjetar skrenuo je ovoga popodneva u suprotnom pravcu. Vatra se primakla deponiji Grabovac, manastiru Svetog Arhangela Mihaila a nije daleko ni postrojenje za prečišćavanje otpadnih voda u Klačini. Plameni jezici vide se iz Tivta, po gradu se osjeća miris paljevine i pada pepeo. Pripadnici tivatske Službe zaštite i spašavanja i DVD Krtoli od sinoć gase požare u blizini Rosa i Bigove, a ovo će za njih biti novi napor i izazov.

U gašenju požara ni dalje ne učestvuje avijacija Direktorata za vanredne situacije MUP-a.