Zoran Barbić: Situacija malo bolja

Situacija je jutros malo bolja što se požara tiče – izjavio je našem radiju Zoran Barbić, načelnik Službe zaštite i spašavanja opštine Tivat.

 “U toku noći je vjetar stao pa smo mogli da ublažimo situaciju. Kako je vjetar jutros pojačao javljaju se nova požarišta. Mi smo na svim pozicijama, ljudi su zamjenjeni novim snagama, ima i volontera kao i VCG.  Sinoć je oko 150 ljudi  dežurali na šest pozicija. Od jutros vršimo permanentno gašenje na više lokacija koji su u datom momentu prioriteti a  uključila se i avijacija. Vatrogasci iz Plava i Rožaja sa dva vozila bili su na lokacijama kod Obosnika, gdje je izbila nova vatra.

Brane se naselja, prilazni putevi, kuće. Apelujem na se mještane i turiste da obrate pažnju na preventivne mjere. Ukoliko primjete nešto sumnjivo da jave policiji 122, a ako primjete dim i novi požar da odmah jave Vatrogasnoj službi 123 “ – rekao je Barbić.