B reprezentacija Crne Gore ostvarila je drugu pobjedu na turniru ”Sino-European cup 2014” u Kini – izabranici Igora Jovovića nakon produžetka savladali su selekciju Srbije 85:84. Crna Gora na startu turnira u petak je savladala selekciju Njemačke 85:80.
U duelu protiv Srbije, naša reprezentacija imala je priliku da dođe do pobjede i u regularnom toku, ali je pobjednik odlučen nakon dodatnih pet minuta u kojem su ”crveni” prikazali više od protivnika.
Do druge pobjede u Kunšanu, našu reprezentaciju predvodili su dosadašnji igrać Teoda Nikola Korać sa 17, Goran Gajović sa 13, te Balša Radunović i Filip Barović, koji su postigli 12, odnosno 11 poena.
U posljednjem meču prvog dijela turnira, Crna Gora u nedjelju (10 sati) će igrati protiv Kine. Nakon prvog dijela turnira koji je odigran u Kunšan , slijede dva dana pauze, a 23. jula počinje drugi dio turnira koji će biti odigran u Harbinu, gdje će reprezentacije još jednom međusobno odmjeriti snage.
