Drugo kolo šahovske Olimpijade u Norveškoj nije donijelo mnogo radosti našim ekipama jer su muškarci remizirali sa reprezentacijom šahista sa oštećenim sluhom a dame su sa 3:1 poražene od favorita Gruzije.
Naši reprezentativci su danas bili blizu pobjede nakon što je Kosić na četvrtoj tabli savladao Anarkulova. Na prvoj tabli u izjednačenoj poziciji ponavljanjem poteza remizirali su Đukić i Grinfeld. Izjednačenje reprezentaciji šahista sa oštećenim sluhom donio je Kolutis koji je neočekivano savladao Blagojevića. Meč je odlučivala partija Draško – Klasan. Crnogorski velemajstor je bio bliži pobjedi, ali je Klasan upornom borbom uspio da remizira.
Naše dame su pružile snažan otpor Gruzijkama i čak bile blizu senzacije jer je na prvoj tabli Aleksandra Milović imala dobijenu poziciju protiv Džagnize, a mlada Tijana Blagojevič na drugoj tabli je imala bolju poziciju protiv Kotenašvili. Međutim, naše reprezentativke su zbog cajtnota pogriješile i izgubile. Poražena je i Sanja Mišović na četvrtoj tabli od Baciašvili, dok je poen Crnoj Gori donijela Marija Stojanović protiv Salome. Šteta jer su naše mlade djevojke imale dobijen meč protiv jedne od najjačih selekcija svijeta,
