Kosarkasi Teoda odradili su veceras prvi trening u maloj sali prelijepog Sportskog centra u Samokovu. Sprat vise, u velikoj sali u srijedu je utakmica 2. kola Balkanske lige izmedju Rilskog i Teoda.
U tivatskoj ekipi vlada veoma dobra atmosfera, posebno nakon odlicnog izdanja i pobjede u Rozajama protiv Ibra na startu Erste lige. Tivcani su igrali veoma dobro i cini se da pobjeda nijednog trenutka nije bila ugrozena.Tako je sa vrijednom pobjedom startovao strateg Teoda Dragan Prle Radovic, sigurno i najvece pojacanje kluba u ljetnjem prelaznom periodu.
Za kompletnu tivatsku ekspediciju danas je bio organizovan izlet u Borovec, popularrno izletiste desetak kilometara iznad Samokova. Temperatura plus 18, gotovo nestvarno, jer za vikend ovdje treba da pocne zimska sezona. Danas su se hoteli i lokali uzurbano sredjivali. Tivcani su prosetali kroz veoma lijep zimski centar koji je u Bugarskoj posebno popularan. Inace, Teodo je smjesten u hotelu u Sportskom centru u Samokovu. Rijec je o malom, prijatnom hotelu sa tri zvjezdice koji ima i bazen i teretanu, a ispred hotela su i otvoreni sportski tereni. Ovakva dvorana sa ovakvim hotelom i sportskim terenima i sadrzajima bila bi idealna za nas Tivat i za razvijanje sportskog turizma.
U Samokovu je prosle nedjelje gostovala niksicka Sutjeska. Iako porazena ostavila je dobar utisak. Koliko Niksicani mogu vidjece se vec sjutra kada docekuju ekipu Peci. Sto se Rilskog tice on je favorit grupe. Izuzetna ekipa koja posebno na svom parketu igra sigurno i kvalitetno. Ipak, Tivcani nisu presli toliko dug put da bi se unaprijed predali. Izdanje u Rozajama hrabri pred mec u srijedu popodne. koga ce suditimakedonski arbitri Mitrovski, Denkovski i Ferevski. Delegat je Kamen Tosev iz Bugarske. Utakmica se igra u srijedu od 18,30 po bugarskom vremenu.
