Rukometaši Partizana vratili su se iz Luksemburga poraženi. Ali, ne i poniženi. Otišli su u goste ekipi koja nikako nije amaterska skupina, već tim koji u svojim redovima ima profesionalce iz Srbije, Bosne i Hercegovine, Njemačke i Francuske.
– Mi smo amateri za njih, dalje je prošla bolja ekipa. Bili su izuzetno gostoljubivi, a mi smo u Luksemburg otišli bez nekoliko standardnih prvotimaca. Šansu su međutim dobili mladi igrači, Tivćani, za koje je ovo putovanje bilo veliko iskustvo i mnogo će im značiti u njihovom daljem razvoju. Iskreno se nadam da će neki naš budući izlazak na evro scenu rezultatski biti uspješniji – rekao je šef struke Partizana Dejan Stjepčević.
Već sjutra od 17 i 30 rukometaši Partizana imaju novo veliko iskušenje. U goste im dolazi aktuelni šampion ekipa Lovćena.
