“Tokom cijelog jula i prvih deset dana avgusta bilježimo rekordne rezulltate i povećan promet, odnosno rast broja aviona od 14 posto i prometa putnika od šest odsto. Tako ćemo više nego nadoknaditi blagi minu iz maja mjeseca” – izjavio je za današnje „Vijesti” direktor tivatskog aerodroma Damir Pinjatić.
Prema njegovim riječima, ako je suditi po najavama prevoznika, slijedi izuzetno uspješan avgust i septembar, zbog čega su u poslovodstvu aerodroma uvjereni da će ove godine nadmašiti rekordnu lanjsku u kojoj je zabilježen promet od 910 hiljada putnika.
„Trenutno dnevno slijeće od 35 do čak 69 aviona. Osim ukrajinskog sva ostala glavna tržišta billježe iste rezultate kao lani, ili blagi rast” – rekao je Pinjatić.
