Oko 16,45 iznad Kave je izbio veliki požar koji se, nošen vjetrom, naglo razbuktao. Intervencijom tivatskih vatrogasaca odbranjene su kuće jer je vatra došla do samih kuća. Pozar se širi prema brdu i Dumidranu, a vatrogasci pokušavaju da ga stave pod kontrolu sa vise strana. U gašenju požara vatrogascima pomažu Gradjani, posebno oni čije su kuće najbliže vatri.
U gašenju požara angažovano je kompletno ljudstvo i vozni park tivatske Službe zaštite i spasavanja, kojima su došli u pomoć pripadnici kotorske vatrogasne jedinice i DVD Krtoli. U gašenju požara vatrogascima pomažu mještani, posebno oni čije su kuće najbliže vatri. Vjetar ne ide na ruku učesnicima u gašenju požara, pa je vatra zahvatila obod borove šume na obroncima brda.
Prema poslednjim informacijama tivatski vatrogasci kontrolišu požar na području Kave i kvase teren, kotorski vatrogasci sa tri protivpožarna kamiona gase vatru u blizini Svete Agate i u dijelu Mrčevca, a pripadnici DVD Krtoli sa dva vozila brane visočije djelove naselja Dumidran i Gradiošnica.
S obzirom da je tokom noći najavljeno da će duvati jaka bura, pripadnici vatrogasnih službi sa područja Boke su se pripremili da spriječe širenje vatre prema naseljenim dijelovima, posebno prema Dumidranu.
