Pašta sa šparogama
Potrebno je:
40 dag pašte
4 žumanca
20 dag pancete
2 balice divljih šparoga
10 dag gratanog sira ( parmezan )
Maslinovo ulje
So, papar
Priprema:
Očišćenim šparogama odsjeći vrhove i ostaviti ih sa strane, a ostatak nasjeći na komade dužine 3 – 4 cm i kuhati ih 7 minuta u posoljenoj vodi. Minut prije kraja kuhanja, dodati vrhove šparoga. Kuhane šparoge ocijediti, a ćikaru vode u kojoj su kuhane sačuvati. Slaninu izrezati na tanke fete i poprigati ih bez masnoće, pa izrezati na komade. Žumanca ubatiti i dodati im garatani sir, 7 – 8 ožica vode u kojoj su kuhane šparoge, so i papar, a na kraju šparoge. Sve sjediniti i po potrebi dodati još malo vode od kuhanja šparoga. Paštu staviti u terinu, dodati pancetu i zaliti pripremljenih toćom od jaja i šparoga. Promiješati i poslužiti.
