Još jedan interesantan, veseo, šarenolik događaj priredilo nam je novoosnovano NVU“Maškarada Tivat. Na Pinama je održana karnevalska manifestacija pod nazivom „Maškare, što mogu maškare“ koja je privukla veliku pažnju turista i mještana. Vesela karnevalska povorka ,sa GPD Tivat na čelu, priredila je defile ulicama grada.
Sa posebnim intresovanjem poslušan je duhoviti proglas u stihu:
„Maškare naše, narode moj, pitaju nas ljudi što maškara nudi. Što maškara nože kad odjelo nikad nije bilo važnije od kože. Bolje reć i ono malo poštivanja što se može steć. Trošeći i život ovaj kao kakav zalogaj, koji ispljuvah. Ali i slast može reć na kraju kad sve prođe i završi već, što maškare jesu, ako ništa nisu, do strana sa koju masku gledaš. Sprijeda drugi treći neko, sakriven a izložen cio, a kroz masku svoj.
Pa poruku šalješ kako svaki možeš bit slobodan kad želiš osjećaj da dijeliš. Nije maska da se krije, maškare su uvijek bolje od onih što ih nose. Maškare su da se gleda, radost, ljubav i veselje spremno da se preda. Da se dijeli, živi, smije, da se divi. Maškare su radost što ne traje dugo, pa uživaj puče, što bi mogo drugo.
A mi smo se našli obećati svima, ovo je početak tek da se uštima. Naše glavno vrijeme što će Tivtu doći, ljetnjih dana, i posebno noći,. dogodine krajem juna kad će naša klasa gradom da talasa. Možda samo na tri dana, al jedan je dosta, nema više posta. Osvajamo Tivat karnevalskim gradom, pečat, potpis, proglas oglasimo stadom. Budite sa nama, činite životu, maškare to mogu, godinama trajuć, preživite stotu“
Po završetku manifestacije maske su održale žurku na otvorenom šanku na Župi.
