NJOKE SA TIKVICAMA
Potrebno je :
3 – 4 tikvice
1 veća kapula
1 ćikara čvršćeg jogurta
Maslinovo ulje
So, papar
Za njoke :
1 kg krtole
25 dag brašna tip oštro
1 jaje
Ožica masti ili 3 ožice ulja
Sjeckano začinsko bilje
So
Pripema :
Krtolu skuhati i zgniječiti u pire. Dodati jaje, masnoću, što sitnije isjeckano začinsko bilje ( petrusin, majčina dušica, menta, žalfija ) i so . Uz dodavanje brašna zamijesiti tijesto. Od tijesta odvajati manje komade i na pobrašnjenoj radnoj površini načiniti valjke debljine prsta i rezati kratke njoke. Njoke kuhati u ključaloj i osoljenoj vodi dok ne isplivaju na površinu. Kuhane njoke ocijediti i ostaviti u terinu za posluživanje.
U međuvremnu, tikvice izrezati na tanke fete pomoću posebnog noža za guljenje krtole i zajedno sa isjeckanim lukom poprigati na maslinovom ulju. Posoliti, popapriti i dodati njokama. Polovinu jogurta dodati u njoke i sve lagano promiješati, a ostatak jogurta iskoristiti za dekoraciju jela serviranog u pijate. Po potrebi dodatno popapriti.
