JAGNJEĆE KOŠTOLETE
Zamolite mesara da obradi i nasječe jagnjeće koštolete. Napravite marinadu od maslinovog ulja, sjeckanog ruzmarina, majčine dušice, kadulje, soli i papra. Marinadom premažite koštolete i ostavite da odstoje 2 – 3 ure. U međuvremenu, pripremite gradele, složite koštolete i pecite kratko sa obje strane pazeći da ih ne prepečete. Poslužite odmah uz bareno povrće, žućenicu ili šparoge.
Koštolete možete peći i u špaheru. Neka ih mesar obradi u jednom komadu. Tako pripremljene premažite marinadom i ostavite da se ukusi prožmu, a prije pećenja još jednom ih premažite marinadom. Peći na 180 do 200 stepeni oko 50 minuta.
