I pored pobjede protiv Rusije u glasu Darka Brguljana osjeća se nezadovoljstvo prikazanim na svjetskom šampionatu.
– Nismo se pripremali dva mjeseca da bi igrali za 5.mjesto i ne znam ko može imati motiv za to. Ja ne… Čitav turnir igramo loše i ne može nam pobjeda protiv Rusije i remi sa Kanadom biti mjerilo. Od Grčke smo gubili 10:2.
Darko smatra da priče da smo mlada sekekcija ne piju vodu.
– Ne mogu se složiti sa tim da je igrač od 21 godinom mlad igrač, niti da je reprezentacija čiji je prosjek 26 godina, mlada selekcija. Da se ne lažemo… Šta bi trebalo onda da kažu Amerikanci čiji je prosjek godina 18?
Na pitanje da li ćemo ga i dalje gledati u reprezentativnoj kapici Darko je kratko odgovorio:
-Ne znam… Ne mogu sad ništa da obećam.
