Ako smo prošle godine bili veoma zadovoljni dočekom Nove 2017. godine na Pinama, ovog puta, čini se da je bilo još ljepše i masovnije.
Više hiljada ljudi ispunilo je našu rivu, uz dobro raspoloženje i povoljne vremenske prilike. Program je počeo koncertom grupe Tribute Band Red Hot Chili Peppers. Dobra energija zagrijala je publiku. A onda je na scenu stupio majstor. Neko bi rekao, lako je zabaviti publiku kad imas toliko hitova. I pjevalo se u glas sa Džibonijem. Do ponoći i do male pauze da jedni drugima poželimo sve najbolje u 2018. I da bi uživali u vatrometu. I nakon toga ređali su se hitovi i nekako je za čas došao momenat da se koncert završi. Tamo negdje oko pola dva. Program je nastavio DJ Marero.
Sve je prošlo bez incidenata, uz spremne sve službe. Malo više petardi, tek toliko da ne bude sve savršeno.
I očekivanje da će se sjajna zabava nastaviti i danas i večeras na Pinama. Uz koncert u 13 sati “Na lijepom plavom Jadranu” i večeras uz Željka Joksimovića, našu Ninu Petković i DJ Perry, Valjda i kiša neće pasti.
