Teodo će u 18. kolu Druge ABA lige ugostiti ekipu Ohrida. Utakmica se igra u SD”Župa” u srijedu od 18 sati.
Tivćani su favoriti, ali do pobjede se dolazi samo maksimalno odgovornom i ozbiljnom igrom. To kažu trener Teoda Rajko Krivokapić i najmlađi prvotimac Vladan Kaluđerović.
Rajko Krivokapić, trener Teoda:
“Nakon duže pauze u goste nam dolazi ekipa Ohrida, najslabije plasirana na tabeli, ali sigurno motivisana da ostvari tu prvu pobjedu u takmičenju. Uprkos pauzi od 15 dana bez utakmica, nedostatka takmičarskog ritma i mnogo kadrovskih problema, pokušaćemo da ostvarimo pobjedu na domaćem terenu i dobijemo potrebno samopouzdanje za nastavak domaće i ABA2 lige.”
Vladan Kaluđerović, igrač Teoda:
“Imamo problema sa povredama, par iskusnih igrača je napustilo tim, ali nema predaje. Ovo je i šansa za nas, mlade igrače, da se dokažemo i pokažemo koliko možemo, pa pozivam sve naše navijače da u srijedu u 18 časova dođu na “Župu” da nas podrže.”
