Pripadnici tivatske Službe zaštite i spašavanja jutros su brzom intervencijom ugasili požar u stanu zgrade u Drugoj dalmatinskon ulici i spriječili veću materijalnu štetu. Prema riječima načelnika SZS, Zorana Barbića oko 10 časova vatrogasci su dobili poziv da je na balkonu stana Denisa Baljaka na četvrtom spratu izbio požar na plinskom šporetu. Požar je ugašen veoma brzo i uz minimalnu materijalnu štetu. U intervenciji je učestvovalo 7 vatrogasaca i dva protivpožarna vozila.
