U okviru programa 53. Praznika mimoze, u organizaciji JUK Herceg fest, večeras u 19.30 u foajeu hercegnovske dvorane Park biće otvoren Mali salon hercegnovskih galerija.
Galeristi radovima iz svojih fundusa ovaj put odgovaraju na temu „Ecce homo“ , „Evo čovjeka“.
” Pitanje na koje smo tražili moguće odgovore je kakvog čovjeka: stvaraoca ili uništitelja, čovjeka mudrosti i znanja ili lakovjernosti i neznanja, čovjeka koji čuva ili je urušio postojeće sisteme vrijednosti, čovjeka koji se odriče ili čuva ono što ga čini čovjekom: ponos i dostojanstvo” navode iz Hereceg festa.
Među umjetnicima čija djela će biti izložena do 10. marta su: Bato Pravilović, Luka Berberović, Aleksandar Luković Lukijan, Mirko Kujačić, Anđelko Arnautović, Luka Tomanović i druga značajna imena naše likovne umjetnosti.
