Povodom Međunarodnog dana dječije književnosti gošće programa su danas bile učenice VI/1 OŠ “Drago Milović”- Tijana Kadić, Anja Vlahović, Žana Petovići Eva Vujović koje su sa profesoricom Marijom Golub pripremile program “Čitajmo bajke, uljepšajmo djetinjstvo”.
Kroz etar su naše slušaoce podsjetile na blistave zlatnike, zadivljujuće trikove, ukusne kaše i zlatne ključeve koji pričaju o maštovitom životu njihovih drugara u bajkama Andersena i braće Grim.
“Putujte kroz djetinjstvo sa osmjehom i ljubavlju. Sa knjigama maštajte o dalekim zemljama, princezama i prinčevima, razmišljajte o dobru i zlu. Čitajte bajke, uljepšajte svoje djetinjstvo!” , poručile su naše gošće na kraju programa.
OŠ “Drago Milović” i Dječiji savez Tivta već šest godina na talasima Radio Tivta obilježavaju Međunarodni dan dječije književnosti.
