Potrebno je :
1 kg smokava
35 dag cukra
3 – 4 garofulića
Sok od pola limuna
Malo cimeta po želji
Priprema :
Zrelim smokvama odrezati peteljke ( repove, krajeve ) i prerezati na četvrtine. Staviti smokve u teću sa duplim dnom ili neku drugu, sa zaštitnim slojem protiv zagaranja i posuti cukrom. Staviti na šporet, dodati garofuliće i malo cimeta, a čim zavri smanjiti vatru . Kuhatii na laganoj vatri, često miješati i skupljati pjenu koja se stvara kuhanjem. Po potrebi, ako smokve nisu dobro sočne, dodati pola ćikare vode. Pred kraj kuhanja, nakon 30 – 35 minuta, dodati sok od limuna i džem skloniti sa vatre. Džem ne treba dugo kuhati. Čim dostigne željenu gustinu skloniti teću sa vatre. Vrući džem stavljamo u dobro oprane i osušene tegle. Dobro zavrnuti poklopce i tegle okrenuti s poklopcima prema dolje. Ostaviti tako da se džem ohladiti, pa tegle spremiti.
