U srijedu, 06.09.2023. godine napustio nas je naš dragi kolega i direktor, profesor Žarko Tujković. Generacije Tivćana – njegovih učenika pamte ga po ozbiljnosti i predanosti pozivu koji je obavljao. Iza te ozbiljnosti i predanosti krila se velika ljubav, humanost i tolerancija koju su osjetili njegovi učenici i kolege, saopšteno je iz SMŠ Mladost.
“Neki od nas koji su imali sreću da mu budu i učenici a kasnije i kolege, pamte ga po dostojanstvu koje je unosio u naš kolektiv i u najtežim situacijama i vremenima.
Ono što je najvažnije za svakoga čovjeka, a što je njega krasilo je humanost. Zato se i danas u nekim teškim i naizgled bezizlaznim situacijama često zapitamo:
“Kako bi Žarko to riješio?” “Šta bi on rekao ili uradio?”. Tako se njegovo ime i njegovi postupci često pominju u našoj školi i predstavljaju put koji nastojimo slijediti u našem radu”.
Kolektiv SMŠ “Mladost” Tivat
