Čudnu utakmicu odigrali su Arsenal i Dečić. Gosti su slavili 2:0, iako je domaćin imao više šansi za gol. Ali, neefikasnost je stara boljka tivatskog kluba.
“U momentu kad smo morali prelomiti meč, kad smo stvarali pritisak na protivnika, mi smo nakon kornera iz kontre kažnjeni. Mislim potpuno nezasluženo smo ostali bez bodova. Zadovoljan sam izdanjem momaka, ali fali nam malo sreće, Dosta često nam pobjede izmaknu. To je momenat na kome moramo da radimo. Ima još dosta da se igra, u srijedu nas čeka veoma važna utakmica protiv Rudara u Tivtu” – rekao je za Radio Tivat MIlija Savović, šef stručnog štaba Arsenala.
“Važna pobjeda protiv dobre ekipe Arsenala. Jedna dobra, čvrsta utakmica. Arsenal je odigrao dobru utakmicu, mi smo iskoristili svoje šanse. Imali smo pred kraj još nekih prilika, Mislim da smo zasluženo pobjedili. Ovo je za nas jako bitna pobjeda. Idemo kolo po kolo” – kazao je za naš radio šef stručnog štaba Dečića Milorad Peković.
