Banka hrane: Budite mali heroji humanosti

Okićena jelka, bogata  trpeza ,topli dom… ovo je toliko uobičajena slika   za vrijeme božićnih praznika  da je smatramo   normalnom – saopšteno je iz Fondacije Banka hrane Crne Gore.

No, sjetite li se da ima mnogo onih kojima je ovakvo nešto  – pravi luksuz? Osamili su se, izolovali,  sjede za praznim stolom zamišljeni  kako platiti  iznajmljen stan, prispjele  račune ili ratu kredita. Nema  kod njih mjesta za prazničnu  euforiju.

Budimo mali heroji humanosti,ugodimo drugom a ne sebi.Pomognimo  onima koji  trebaju  našu pomoć. Oni  su tu blizu oko nas, osvrnimo se.  Podijelimo ručak , darujmo toplu odjeću,obradujmo djecu – ideja je mnogo.
Dobro djelo koje ćete učiniti i vas će, razveseliti i podići vam samopoštovanje.
Još je Gandi  govorio: ‘Kada bi se svaki čovjek pobrinuo za svoju neposrednu okolinu, svijet bi bio mnogo bolji!’
Banka hrane  i kuvar Žarko, šestu godinu zaredom  će obradovati porodice u stanju socijalne potrebe sa Božičnim ručkom.
Ove godine će 60 porodica dobiti naš Božični ručak.
Želimo  pokloniti pažnju  napaćenim ljudima  u ovim posebnim danima. Među njima ima starih ljudi, višečlanih porodica, samohranih roditelja, raseljenjih lica.
Božić jeste  povod za darivanje i pomoć ljudima koji imaju nedovoljno za normalan život ali je potrebno znati da je njima pomoć potrebna i preko cijele godine.
Budimo plemeniti, naše malo njima mnogo znači.
Moramo izvršiti pritisak na Vladu da usmjerava sredstva ka siromašnima bez izgovora.Novca ima ali se usmjerava na adrese koje ne doprinose boljitku najugroženijih.Ulaganje u rješavanje problema siromašnih nije trošak nego investicija za državu.
Božić se smatra praznikom mira, dobrote, humanosti, praštanja i pomirenja.
Provedimo praznike u tom duhu – poručuju iz Banke hrane.