„Bokeška maslina“ sve posjećenija

Peta po redu i završna u ljetnjoj sezoni, manifestacija „Bokeška maslina“ održana je proteklog vikenda na Pinama. Proizvode od maslina izlagači su posjetiocima predstavili na ukupno 14 štandova.

Izvršna direktorica „Maslinarskog društva Boka“, ujedno i organizatora tradicionalne Bokeške masline kaže da je izuzetno zadovoljna ovogodišnjim brojem manifestacija u ljetnjem periodu: „Možemo biti zadovoljni i brojem manifestacija i rezultatima, koji su svake godine sve bolji, u smislu da smo sve poznatiji i bolje posjećeni. Ako sumiramo rezultate i posjete, najbolja posjećenost je bila u julu i avgustu, te početkom septembra. Samom trgovinom ne možemo biti zadovoljni, ali nije ni prioritet ovakvih naših manifestacija i skupova trgovina, već da se predstavimo i posjetiocima i građanima. Da ljudi koji dođu sa strane osjete naš ritam i da uživaju sa nama u našim proizvodima. Da vide i probaju ono što mi proizvodimo“, poručila je Đukić.