palo drvo

Bura prouzrokovala manje štete

Prethodne noći udari bure prevazilazili su prognoziranu brzinu od 60km/h, uslijed čega je u Tivtu na više lokacija došlo do obrušavanja stabala. Po informacijama iz Komunalnog preduzeća, to je uzrokovalo manje štete na javnim površinama, a oštećen je i jedan automobil.

Ekipe tivatskog komunalnog preduzeća od zore su na terenu, kako bi uklonile posljedice jakog nevremena, koje je sinoć zahvatilo crnogorso primorje. Bura olujne jačine prouzrokovala je štete na nekoliko lokacija u gradu. Direktor Komunalnog Tivat, Tonko Lukšić, kazao je za naš radio da su ekipe komunalnog imale veće intervencije na tri lokacije u gradu- u ulici 21.novembra, Druge dalmatinske i dijelu Njegoševe ulice. Stabla su prilikom pada prouzrokovala manju štetu na javnim površinama, te je oštećen jedan automobil. U Velikom gradskom parku buri nisu odoljela četiri stabla, a ekipa Komunalnog imala je i intervenciju na magistrali u blizini Doma kulture Jospi Marković u Donjoj Lastvi, odakle su uklonili jedno obrušeno stablo. Jedna ekipa je bila na terenu prije 6 sati i ustanovila situaciju, a u roku od sat vremena pridružile su im se i ostale ekipe, ističe Lukšić.

Iako su javne površine i prohodnost saobraćajnica prioritet, Lukšić ističe da su ekipe Komunalnog nakon ovako buroznih noći cijelog dana operativne i spremne da da reaguju po prijavama sugrađana, tamo gdje je to fizički moguće.