Galerija
Izbori 2022
Prilikom obavljanja redovnih aktivnosti, članovi DVD “Boka” u Gradiošnici zatekli su jutros na jednom vatrogasnom vozilu četiri probijene gume i crijevo pomoću kojeg je ispumpano gorivo iz navalnog vatrogasnog vozila.
Jedan od članova društva, Igor Petković za naš program je kazao da kao Dobrovoljno vatrogasno društvo, nikako ne zaslužuju ovakav tretman:
- Apelujemo na mještane, ukoliko imaju ikakva saznanja da slučaj odmah prijave policiji. Napominjem da smo mi jedno dobrovoljno društvo koje je osnovano da pruži pomoć, prevashodno mještanima ovog kraja, a onda čitavom gradu i državi. Nadamo se da će ubuduće ljudi shvatiti da je ovo zaista nešto što ne bi smjelo da se događa. Zamislite da je nekome trebalo da se spasi kuća ili da su ugroženi ljudski životi, a mi nemamo osnovno sredstvo za rad, a to su vatrogasna vozila.
Kako je kazao Petković, o slučaju je obavještena policija koja je izašla na lice mjesta i napravila zapisnik za dalju obradu.
