Izložba Sofije Ćuki Di Garofani

Izložba tapiserija Sofije Ćuki Di Garofani otvoriće se sutra u 21 sat u galeriji Josip Bepo Benković u Herceg Novom. Osim tapiserija velikih dimenzija biće izložene i fotografije nastale tokom njihove izrade, koje će tako pojasniti stvaralački proces ove umjetnice. Sofija Ćuki Di Garofani je umjetnica koja živi na relaciji Pariz – Beograd – Sjenica – Herceg Novi. U Parizu je radila kao profesor na likovnoj akademiji, dugo godina bavila se humanitarnim radom, a kao kulturni poslenik organizovala je brojne kolonije slikara i tkalja i promovisala umjetnike sa naših prostora. Motivi njenih djela su istorija i tradicija srednjeg ijeka, a ona se nalaze u svjetskim muzejima, galerijama i privatnim kolekcijama.