Liker od bokeljskih trava

Potrebno je:

1 l čistog alkohola ili dobre lozove rakije

50 dag cukra

8 dcl vode

Trave i začini:

List limuna, naranče i mandarine, bosiok, lavanda, kadulja, manžurana, bobice od smreke,  ruzmarin, kamilica, vrijesak, latice ruže, sljez, 1 mali muškatni orah, cimet u kori, orah, menduli i 3 garofulića. Ako nemate svježe biljke upotrijebite suhe. Najbolje je kombinovati.

Priprema:

Trave oprati i staviti u teglu sa začinima, pa naliti alkoholom / rakijom. Teglu zatvori i ostaviti 40 dana na tamnom i hladnom mjestu. Cukar i vodu prokuhati i ohladiti, a alkohol procijediti. Pomiješati sirup i alkohol, spremiti u botilje, začepiti i ostaviti do upotrebe najmanje 30 dana.

Količine trava, odredite sami. Najbolje je da uzmete po 2 – 3 lista agruma i po stručak ili manju balicu ostalih sastojaka.

Ovaj liker je naročito dobar ako se uzima nakon jela.