Torta od kaule i brokola

Potrebno je:

½ kg kuhane krtole

10 – 15 dag brašna

4 + 1 jaje

15 dag mladog sira

½ kg kaule

30 dag brokule

12 crnih maslina bez špica

5 dag gratanog parmezana

Mala balica petrusina

Maslinovo ulje

So, papar

 

Priprema:

 

Krtolu isprštiti kao za pire, dodati 1 jaje, malo soli i brašna kolko je potrebno da se zamijesi tijesto ( kao za njoke ). Radnu površinu posuti brašnom, pa tijesto razvući u debljini od 1 cm. Tijesto pažljivo prenijeti u podmazan kalup za tortu, vodeći računa da tijesto prekrije dno i strane kalupa.

Kaulu i brokuli skuhati u osoljenoj vodi, procijediti i isprštiti u pire. Ostaviti nekoliko manjih cvjetova. U pire od povrća dodati ubaćena jaja, izmrvljeni mladi sir, saketić gratanog parmezana, isjeckani petrusin, so i papar. Filom napuniti tijesto u kalupu. Na fil utisnuti nekoliko cvjetova kaule i brokule i peći 35 minuta na 180 stepeni.

Masline isjeckati i pomiješati sa sjeckanim petrusinom. Dodati 3 – 4 ožice maslinovog ulja i preliti pečenu tortu.