Traži se vlasnik

Našoj redakciji se danas javila gospođa Selma iz Herceg Novog sa informacijom da se pas iz Tivta nalazi kod njih.
Igrom slučaja, par iz Rusije koji stanuje u Herceg Novom kod gospođe Selme, prije par dana bio je u posjeti našem gradu, gdje su nesrećnim slučajem udarili psa. Oni su odmah pritrčali u pomoć psu i čekali da se možda pojavi vlasnik, ali kako se niko nije javio oni su ga poveli sa sobom u Novi i odmah predali veterinaru koji je ustanovio da pas ima polomljenu nogu i danas mora biti operisan. Ovaj par će snositi sve troškove i veoma su zabrinuti za psa, posebno gdje sa njim nakon operacije.
Zato su kontaktirali našu redakciju, da im pomognemo da nađu vlasnika. Po njihovim riječima pas je divan i uredan, ali bez čipa ili bilo kakvih drugih oznaka.
Ako bilo ko zna čiji je pas, molimo da se javi našoj redakciji na broj 660-100.