Vrzot sa krtolom

Potrebno je:

70 dag vrzota

60 dag krtole

3 špice česna

4 ožice maslinovog ulja

So, papar

 

Priprema:

Vrzot očistiti, dobro oprati i narezati na trake. Krtolu očistiti i izrezati na kockice, pa je  pomiješati sa vrzotom, naliti nesoljenom vodom da ogrezne i kuhati oko pola ure. Ocijediti vrzot i krtolu. Česan isjeckati i poprigati kratko na maslinovom ulju, pa dodati vrzot sa krtolom. Kuhati pet minuta, a po potrebi dodati maslinovo ulje i dvije – tri ožice vode u kojoj se vrzot kuhao. Posoliti i popapriti. Poslužiti kao samostalno jelo ili prilog uz meso i ribu.